Umiarsuit sumiinneri nakkutigineqarsinnaalissapput
Aallakaatitsissutit nalunaarutaat naapertorlugit nunamiit umiarsuit sorliit sumiinneri nakkutigineqarsinnaalissapput.
Nunani Tamani Imaani Angallattut kattuffiata nakkutilleeriaaseq nutaaq pilersaarusiorpaa, tamatumunngalu assigiinngitsunik peqquteqarput:
Siullermik pingaarnerpaatullu annaassiniartarnerit ajornannginnerusumik ingerlanneqartarnissaat anguniarneqarpoq immakkullu angalasunik isumannaallisaaneq annertusarniarneqarluni, kiisalu imaani angalasut mingutsitsisarnerisa akiorniarneqarnerisa oqilisaaffigineqarnissaa anguniarneqarpoq.
Umiarsuit nunamiit sumiiissusaasa nalunaarsorneqartalernissaannut atortut ukiaq manna misilittarneqaleriissapput. Danskillu umiarsuaataasa sumiinneri Portugalimi illoqarfimmiit Lissabonimiit qarasaasiakkut nalunaarsorneqartalissapput.
Umiarsuit sinerissamut qanittumiinnaq angalasussatut akuerineqarsimasut aallakaatitsisutilersorneqartassanngillat.