Mary Arctica nioqqutissanik usilluni Upernavimmut arfininngormat tikippoq, Uummannamullu sapaatiummat tikilluni, qangalilumi umiarsuaq qilanaareqigamikku nuannaaqaat. Nioqqutissat ulluinnarsiutit arlallit, minnerunngitsumillu baajat, Uummannami qangali amigaatigineqarmata umiarsuit tikinneri qiimmattaatigineqaqaat, tulakkiartornerallu innuttaasorpassuarnit malinnaavigineqarpoq.
Uummannap kangerluani siku suli issusoorujussuugaluarpoq, Mary Arcticali ikiortigalugu Pajuttaat Uummannamut tikissinnaasimavoq, maannalu usingiarluni, Royal Arctic Line-mit taama ilisimatitsipput.