Umiarsuit pingasut Sullualummi ikkarlipput
Umiarsuaq uuliamik assartuut Nanny Simpsonip aqqutissiaatigoortilunni ikkarlippoq nikeriarsinnaananilu. Umiarsuaq Nanny Sullualuup kangimut pulammagiaani ikkarlippoq. Umiarsuaq uuliamik 9 millione literimik useqarpoq, mannalu tikillugu uuliamik aniasoqarsimanngilaq. Isumannaallisaanermik suliaqartut uulia umiarsuarmut uuliamik assartuummut allamut nuunniarlugu maannakkut suliaqarput. Aggustip qaammataata naalernerani umiarsuaq takornarianik angallassisoq Clipper Adventure ikkarlippoq, ikkarlummut immap assingani nalunaaqutserneqarsimanngitsumut ikkarlikkami.
Umiarsuarmut takornariartaammut ilaasut Canada-mi sinerissami nakkutiilisut umiarsuaannut nuunneqarlutik annaanneqarput.
Septemberip qaammataata aallartisimalernerani umiarsuaq assartuut Qeqertaalummi ikkarlippoq. Umiarsuit ikkarlittarnerannut ajornartorsiutigineqartut tassaapput ikerasaap taassuma angallavigineqarnissaannut immap assilineqarneri nutaanngippallaarmata.
Nutaarsiassaqartitsivikk CBC News nalunaarpoq, immap umiarsuit maannakkut angallavigalugu ikkarliffigisartagaasa, 10 procentia kisiat assitalersorneqarsimasoq.
Angallaviit ikittuinnaat titartarlugit assitalersorneqarsimapput, Sullualummi angallavigineqarsinnaasut tamakkernagit. Nutaanik assinik sanasoqartariaqarpoq, tamannali akisuvoq piffissarli sivisooq atorneqartariaqarluni, nutaarsiassaqartitsivik CBC News taamatut nalunaarpoq.
