Umiarsuit imermik oqimaaloqutaat § 37 naapertorlugu apeqqutigineqarput
Inatsisartunut ilaasortanngorlaaq Saxdorph Didriksen Naalakkersuisunut § 37 siullerpaamik apeqquteqarpoq. Imeq umiarsuit Nuup Kangerluata qinnguanut ingerlaartartussat oqimaaloqutigisartagassaat apeqqutigaa.
Allattoq Peter Troelsen, Simon Uldum
Umiarsuit Nuup Kangerluanut ingerlaartussat imeq oqimaaloqutigisaat sumi peerneqartassanersoq Siumukkormiup paaserusuppaa. Apeqquteqaataani imeq oqimaaloqutigineqartup kangerlummut immallu uumasuinut qanoq sunniuteqassanersoq aamma paaserusuppaa.
-Isumaqarama kiattup imartaanit imeq ballasttut atorneqartoq kangerlummut iginneqartassappat tamanna issittup imaanut sunniuteqarnerlorujussuarsinnaasoq minnerungitsumik imaani kangerlummilu aalisarneq immallu pisuussutai allat eqqarsaatigalugit siumungaaq sunniutigisinnaasaa paasisariaqartoq, Saxdorph Didriksenip § 37 naapertorlugu apeqqutini taama tunnagvilersorpaa.