Inuvialuit: Umiarsuit imermik maanngaannartitsisarnerat avatangiisinik mingutsitsivoq
Imeq umiarsuarnit maanngaannartinneqartartoq ilaatigut umiarsuarnit takornariartaatineersuusarpoq, umiarsuarniillu allanit aamma immamut aniatinneqartarluni. Umiarsuit Alaskap imartaani Canadallu issittortaata imartaani angalasut imermik maanngaanartitsisarput.
Imeq errorsivinnit, uffarfinnit allaniillu immamut aniatiinnarneqartarpoq, qaqorsaatit assigisaallu maanngaannartinneqartarluni, soorlu aamma plastikkit assigiinngitsut immamut aniatiinnarneqartartut.
Avatangiisinik uumasunillu illersuiniaqatigiiffik Wildlife Conservation Group taama oqarpoq.
Pinngortitaq pillugu nunarsuaq tamakkerlugu suliniaqatigiiffiup, Verdensnaturfondenip, nalunaarusiaa naapertorlugu nutaamik inatsisiliortoqanngippat imeq umiarsuarnit maanngaannartinneqartartoq 2035-utinnagu marloriaatinngorsimassaaq.
Inuvialunni piniartut kattuffiata The Inuvialuit Game Councilip, Canadami naalakkersuisut tamanna pillugu ataatsimeeqatigissavai, imeq umiarsuarnit maanngaannartinneqartartoq pillugu ajornartorsiut aaqqiiviginiarneqassalluni.