Umiarsuarmik angalaarluni takornariaat ”Black Prince” Skotlandip illoqarfiisa ilaanni Leithimi eqqiarlugu asaqqissaarneqareermat nunatsinnukaqqissinnaalersoq, nutaarsiassaqartitsivik BBC allaatiginnippoq.
Umiarsuarmi tassani asaanissaq pisariaqalersimavoq ilaasut akornanni nappaalaneqalermat. Inuit 400-t umiarsuarmi tassani ilaasorineqarsinnaasut akornanni 100-t merissallutillu timmissimapput.
Taamatut nappaalasoqaleriarmat ilaasussaagaluit inuit 80-t nunatsinnut angalanissaminnut aningaasartuutigisimasaraluatik utertissimavaat.
Umiarsuup atlantikup avannarpasissuanut angalanissaraluani qanittukkut kinguartittariaqalersimavaa, Skotlandimullu taarsiullugu ingerlasariaqarsimalluni.
Qaammammi kingullermi ilaasut 136-t nappaalanermik eqqugaasimasut oqaatigineqarpoq.