Umiarsuarsuaq Maersk Pergrino piareerpoq
Umiarsuaq uuliasiornermi gassinillu qalluinermi atorneqartartussanngorlugu allanngortiterlugu ukiut marluk suliarineqarpoq.
Maersk Peregrinop Singapore-imi umiarsualiorfimmi sananeqarnera naammasseqqammerpoq, Brasialiap sineriaanut uuliasiorfimmukarluni ullut arlaqanngitsut qaangiuppata aallassaaq, ullut 34-it angalassalluni.
Gassit, uuliat, imeq sioqqallu Brasiliap Kitaani uuliasiorfimmit qallorneqartut Maersk Peregrinop usigisartussaavai, taakkualu tigoorarneqarnissaannut isumannaallissaanerit nakkutilliinerillu annertuumik atorneqartartussaapput.
Umiarsuarmi isumannaallisaanermut atortut, Københavnip mittarfiani paasissutissat malugisaatillu malussarissut atortuisa assinginik atortoqassaaq, Per Aae Staunstrup, Maerskip ingeniørit immikkoortortaqarfianneersoq, oqarpoq.
Umiarsuaq uuliamik 225 millionit literinik usisinnaavoq, Brasiliap Kitaani uuliasiorfinni atorneqartussatut sanaajulluni. Uuliamik qalluisoqarnerani uuliasiorfimmiissinnaavoq, tassaniitilluni umiarsuit uuliamik aallersut Maersk Peregrinomit usilersorneqarsinnaallutik.
Nappartat uuliamik imallit 100.000-t ukiuni tulliuttuni 15-iniit 30-niluunniit umiarsuarmi suliarineqarsinnaassapput. Umiarsuup piffissap sivisunersaani uuliasiorfimmi kisaqqanissaa naatsorsuutigineqarpoq.
