Umiarsuarni aamma juullisiortoqartarpoq

Umiarsuarni soorunami aamma juullisiortoqartarpoq, kisianni angalanissamut pilersaarutit eqquutsinneqartussaapput, tamaattumik Royal Arctic Linep umiarsuaatai arlallit imaannarsuarmi juullisiortarput.

Umiarsuit ilaanni sisamani inuttat imaannarsuarmi juullisiornissartik ukioq manna naatsorsuutigissavaat. Tassaappullu 'Irena Arctica', taanna kujammukaarluni Aalborgip qanittunnguaniissammat.

'Mary Arctica' avannamukaarluni Qaqortumut ingerlaarpoq kiisalu 'Nuka Arctica' juulliarartussanngorpat unnua’qeqqalernerani Nuummit kujammut aallassalluni.

'Naja Arcticami' juullikkunni apummik imaluunniit sermimik takusinissaa ilimanaateqanngilaq, taannami attartortinneqarpoq maannakkorpiarlu Afrikap kitaani angalalluni.

'Arina Arctica' Nuup umiarsualiviani juulliararsiussaaq kiisalu 'Pajuttaammi' umiarsuup naalagaata Jens Peter Berthelsenip neriuutigaa silap unerisimaannarnissaa, taamaappat juulliaqqap ingerlanerani Nuummut tikittussaagamik. Taamaalillutik Pajuttaatip 27-ani avannamut aallaqqinnginnerani inuttaasut ilaquttatik ilagalugit juullisiorsinnaassapput.

Soorunami umiarsuarni orpeqartarput kiisalu umiarsuarmiillutik juulliararsiortunut ataatsimik marlunnilluunniit tunissutisiassaqassajunnarsivoq.