Danskeq 61-inik ukiulik umiarsuarnik misissuisartoq misissuitilluni Qaqortumi ippassaq ajunaarsimavoq – qanorlu pisimanersoq misissorneqarpoq.
Tankip silaannaartarfia misissortillugu uppissimavoq. Umiarsuup inuttaasa ilaata tankimit anninniarsimagaluarpaa, uissannguleramili aniinnartariaqarsimalluni.
Qatserisartut angut 61-inik ukiulik annissimavaat, uummarsalerlugulu. Napparsimmavimmulli anngunneqarnermini toqoreersimavoq.
Politiit paasisaat tunngavigalugit umiarsuup tankia ukiuni sisamani ammarneqarsimanngilaq. Inuttap annaassiniaraluartilluni uissanngulersimanera tankip gassimik imaqarsimaneranik pasitsatsitsivoq.