Umiarsuarmik misissuineq ingerlanniarpaat

Kujataani sakialluummik nappaateqartut amerligaluttuinnarmata umiarsuarmik misissuummik illoqarfinni pingasuusuni misissuineq aallartinneqareersoq, Sermitsiami allaaserineqarpoq.
Allattoq Elisa Isaksen
aggustip 01-at 2008 10:37

Umiarsuaq ”Misigssût” 1950`ikkunni 60-ikkunnilu

Nunatta sineriaani TB-mik misissuilluni angalaartarsimasoq qanganngoreerpoq.

Nalitsinni umiarsuaq containerimik usisoq Qaqortumi, Nanortalimmi Narsamilu napparsimmavinni qinnguartaasassaaq.

Umiarsuup usisaa containeri qinnguartaasup qinnguartaanermini atortussaanik tamanik imaqassaaq.

Qinnguartaanermili assilisat, Dronning Ingridip napparsimmavissuani misissorneqaqqaartarmata Nuummut nassiunneqartarput.

Umiarsuaq qinnguartaasoq septembarimi nunaqarfinnut aamma misissuiartortassaaq. Qaqortumi innuttaasut misissorneqarlutik naammassineqareerput.

Naalakkersuisut sakialluummik akiuiniarnermut atugassanik 15 miliuunit koruuninik immikkoortitsisimapput.

TB-mik napparsimasut amerligaluttuinnarmata meeqqat atuarfianni atuartut ukiuni tulliuttuni sisamani sakiallunnersut misissorneqartassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq