Umiarsuaq tingerlaataannalik Danmarkshavniliassaaq
Umiarsuaq ullumikkut ateqarpoq ’Activ’ siornatigut ’Svendborg’-imik ateqarallarami umiarsuaatileqatigiinnit A.S. Sørensenimit pigineqarsimalluni. Umiarsuaq ’Svendborg’-imik ateqarluni 1952-imiit 1958-imut nunatsinnukartaataagaluarpoq.
Umiarsuaq ’Activ’ soorlu ullumikkut taama ateqartoq, juunip arfineq aappaani Københavnimiit aallassaaq aatsaallu septembarimi utissasoq aviisimi Fyens Stiftstidende-mi allaaserineqarpoq.
- Ilisimasassarsiorluni angalanissami siunertarineqarpoq umiarsuarmik Danmarks-Ekspeditionimi 1906-imit 1908-mut ingerlanneqartumi angallatigineqarsimasup assipajuanik angallateqarluni angalanissaq, umiarsuup naalagaa Jonas Bergsøe aviisimut taama oqarpoq.