Takornarianut angallassissussuaq Tuluit Nunaanneersoq 400-nik ilaasulik Narsamut tallimanngormat tikippoq.
Naak umiarsuarsuaq angigaluaqaluni Narsap umiarsualivianut tulappoq. Sila eqqorluarlugu silagissorsuuvoq nuiatannguaqarani.
Ilaasut ilaat Tuluit Nunaanni Summerset-imeersup Narsarmiut unnersiutigai inussiarnernerarlugit, takusanilu alutoreqai, takornariarlu Judith Hard Peilmann-imut ima oqaluttuarpoq:
- Illulioriaaseq maani allaaneroqaaq alutornartumillu qalipaatigissaaqaat. Takornariap iluliarsuit tupigisorujussuuai, ippernaqarnerali ippigalugu. Umiarsuaq ulluni arfineq-marlunni nunamut tulassimanani Narsamut tallimanngormat tulappoq.
Umiarsuarsuaq takornariut, Black Prince-mik atilik, nunani avannarlerni angalasuuvoq. Tuluit Nunaanniit aallaruni, Shetland-ip qeqertaannut, Savalimmiunut nunattalu Kujataanut ingerlaartuulluni.
Umiarsuit takornariussuit suli marluk Narsamut tikikkumaarput. Tullia tikittussaq, Black Prince-p tallimanngormat Narsamut tikittup assinga, 800-nik ilaasoqarsinnaasoq, juulip 25-ani Narsamut tikissaaq.