Umiarsuaq Nuup umiarsualivianiitilluni ikuallaleraluarpoq
Nuummi qatserisartut Nuummi umiarsualivimmi umiarsuarmut ikuallattumut ullumi qatseriartortariaqarsimapput, tassa umiarsuaq Arctic Pioner Ilulissaneersoq ikuallaleraluarmat.
Allattoq Elisa Isaksen
- Annerusumik ajoqusertoqanngilaq, umiarsuarmili inuttat marluk putsumit najuussuisimasoralugit Dronning Ingridip Napparsimmavissuanut misissortikkiartortariaqarsimasut, Nuummi poltiinit oqaatigineqarpoq.
Ikuallanneq politiinut ullup qeqqata qaangilaarnerani nalunaarutigineqarpoq nalunaaqutarlu ataasinngortoq ikuallanneq qatserisartunit qaminneqarluni.
- Umiarsuaq pujorunnaarsarlugu silaannarissarparput. Kisianni ikuallattup qaminniarnera ajornartorsiutiginngilarput, Nuummi qatserisartunit taama oqarput.
Ikuallalernermut pissutaasoq politiit suli paasisaqarfiginngilaat.