Umiarsuarmi takornariartaammi, qallunaat pigisaanni, inuttat umiarsuarmik kaanngartitsiniaanertik ippassaq taamaatippaat.
Taamaattumillu teknikerit umiarsuarmi ajoqusikkat ulluni marlussunni nalilereerpatigik umiarsuaq nusullugu kaanngartinneqassalluni.
Clipper Nunavummi Coronation Gulfimi tallimanngormat ikkarlikkami ikkarlummit nikeriarsinnaajunnaaqqalerpoq. Umiarsuaq ukiunik 35-nik pisoqaassuseqarpoq.
- Qaqutigoortorujussuuvoq umiarsuaatitta ikkarlunnut immap assingani nalunaarsorneqarsimanngitsunut ikkarlittarnerat. Taamaallaat ataasiaannarluni pisoq eqqaamavara, Niels Erik Lund, International Shipping Partnersimi pisortaq, umiarsuup ingerlatitaaneranut akisussaasoq nutaarsiassaqartitsivimmut Ritzauimut oqarpoq.
Ilaasut 118-it tamarmik umiarsuarmut allamut ikineqarput, inuttat 69-iusut suli maannamut umiarsuamiillutik.