Umiarsuannguaq inuulluarit

Umiarsuaaraq assartuut Johanna Kristina Tasiilamiit ippassaq kitaanut aallarpoq. Tasiilarmiut quersuarmi peqqumaatit silaannakkullu nassiussat upernaaru umiarsuaqaqqinnissaannut isumalluutigisussanngorpaat.
Allattoq Noah Mølgaard
decembarip 05-at 2012 09:20

Kangerluk Tasiilap inissisimaffia qanittukkut sikunialertussaavoq. Aasap ukiallu ingerlanneranni peqqumaatissanik nunaqarfinnut Johanna Kristina assartuivoq inunnillu ilaasoqartarluni.

Nassiussat anginerit imarpik ikaarlugu Royal Arctic Linep assartuutaasa isumagaat. Irena Arctica ukiormanna naggataamik Tasiilamiik novembarip 23-at aallarpoq qummoroortarluni inuulluaqquneqarluni. Ippassarlu marlunngornermi umiarsuaaraq Johanna Kristina Tasiilamiik aallarmat qummoroortarluni aamma inuulluaqquneqarpoq.

Assartuinermi angallannermilu maanna helikopteri isumalluutaalerpoq taannalu silap unerisimannginneranik eqqorneqaqqajaasarpoq.

Angalasut arlallit ulluni arlaqalersuni Tasiilamut Tasiilamiillu ingerlariaqqinnaveerput sila pissutigalugu, naak Kulusumut timmisartorneq minutsinik quliinnarnik sivisussuseqartaraluartoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq