Umiarsualivimmi suliumajunnaartut kinguaattoortitsipput
![](/sites/default/files/styles/image_934x467/public/article_images/ral_containere630.jpg?itok=lan394xk)
- Sulineq aqagu aallartinneqanngippat, taava nassiussassat ullormik ataatsimik marlunnilluunniit kinguaattuussapput, Royal Arctic Lineme Attaveqaqatigiinnermi pisortaq Jakob Strøm oqarpoq.
- Suliumajunnaarneq maannakkut annerusumik kinguneqassanngilaq, terminalarbejderit aamma quersuarmi sulisut neriuutigisatsituut aqagu suliartussappata. Nassiussassat sapaatip akunnerata tulliani maanga tikittussat ullormik ataatsimik marlunnilluunniit kinguaattooruteqarlutik tikiunneqassapput, Royal Arctic Linemi attaveqaqatigiinnermut pisortaq Jakob Strøm oqarpoq.
Umiarsualivimmi sulisut (terminalarbejderet) aamma quersuarmi sulisut akissarsiaasa isumaqatigiinniutigineqarnerannut atatillugu sulineq ippassaq unitsinneqarpoq. Suliumajunnaarneq aqagu taamaatinneqarani ingerlaannassappat assartugassat kinguaattooruteqarnerunissaat naatsorsuutigineqarpoq.
- Suliumajunnaarneq sivisunerussappat, taava misissortariaqassavarput kinguaattoorneq qanoq sivisutiginerussanersoq, tassami piffissaq suliumajunnaarfik sivitsorpat, taava aamma assartuinissami kinguaattoornerusoqassaaq, attaveqaqatigiinermut pisortaq Jakob Strøm oqarpoq.