ASSIT Ulussaarsuaq sakkortoqaaq
![](/sites/default/files/styles/image_934x467/public/article_images/liv_jonsveinsdottir_hansen_2.jpg?itok=3LRmuZyE)
![](/sites/default/files/styles/image_934x467/public/article_images/liv_jonsveinsdottir_hansen_1.jpg?itok=KAlB_k0R)
![](/sites/default/files/styles/image_934x467/public/article_images/liv_jonsveinsdottir_hansen_3.jpg?itok=AKmuICzk)
![](/sites/default/files/styles/image_934x467/public/article_images/runi_sundberg_patursson_2.jpeg?itok=Kv4d0XhS)
![](/sites/default/files/styles/image_934x467/public/article_images/runi_sundberg_patursson.jpeg?itok=EIHcoTkp)
![](/sites/default/files/styles/image_934x467/public/article_images/runi_sundberg_patursson_5.jpeg?itok=u8WHl4d7)
![](/sites/default/files/styles/image_934x467/public/article_images/runi_sundberg_patursson_3.jpeg?itok=3x_a-1yW)
![](/sites/default/files/styles/image_934x467/public/article_images/runi_sundberg_patursson_4.jpeg?itok=epw5zhjK)
- Ulussaarsuaq ataasiinaanngitsoq, kisianni ulussaarsuit marluk tulleriiginnarlutik eqqormatigut sakkortoqaat, Brynhild Thomsen, Savalimmiuni KNR-imut sanilliunneqarsinnaasumik Kringvarp Føroyami tusagassiortuusoq, oqarpoq.
Savalimmiuni juullikkunni anoraa sekundimut 80 meterinik uuttorneqarpoq, Brynhild Thomsenilu naapertorlugu naqitsiniisaffiit Savalimmiuni uuttorneqartoq aatsaat taama appasitsigaaq. Qaqutigoortuali uaniippoq - ulussaarsuup sivisunera.
- Juulliaqqami aallartipoq, aatsaallu ippassaq ullup qeqqariartornerani anorikillilluni, Brynhild Thomsen oqarpoq.
Taanna naapertorlugu ulussaarsuaqarnerani inunnik annerusumik ajoqusertoqanngilaq.
- Naamik, qujanartumik annerusumik ajoqusertoqanngilaq. Anoraasuasarnerani orlusoqartarsimavoq, ataatsillu niuni napisimavaa, kisianni annerusumik pisoqaqqinngilaq, tusagassiortoq oqarpoq.
Sillimasiisarfiilli ullumi ulapputtunnguusimapput, illummi qaliaasa ilaat tingitaasimapput illuliallu aserorsimallutik.
- Sillimasiisarfiimmut aatsaannguaq pulaaratta, ullaarlilu qulingiluanut ammammatali oqarasuaat sianeqattaaginnaavissimavoq, Brynhild Thomsen oqarpoq.
Ulussaarsuaqarneranili aseruanerit suli misissorneqanngimmata amerlassuserpiaat suli ilisimaneqanngillat.
Savalimmiut inissisimaffia silamut navianaateqaraluartoq juullikkunni ulussaarsuaq immikkut ippoq.
- Anorersuit sungiusimavagut, kisianni juullikkkunni ulussaarsuaq sakkortoqaaq sivisullunilu, Brynhild Thomsen oqarpoq.
Sekundtimut 78,7 meteriinik sakkortutigisumik anoraasuarmat savalimmiut nunarput qaangerlugu rekordiliivoq. Nunarput DMI naapertorlugu rekordeqaraluarpoq, Danmarkshavnimi januaarip 13-iani 1995-imi sekundtimut 751, meterinik sakkortutigisumik anoraasuallarmat.