Ulussaarsuaq Ike Cubami pitorarpoq
Inuit millionit tikillugit najukkaminnit qimagussorneqarput, oqartussallu ajunaarnersuaqarsinnaanerut piareeqqapput, sukannersumillu aqutsisoqarnissaa inassutigineqaqqammerluni.
Allattoq Louise M. Kleemann
Ike Cubap illoqarfiisa pingaarnersaannut Havanamut anngutilerpoq, takornariaqarfissuarmullu allamut aamma anngutilerluni.
Ulussaarsuit sakkortussusaat immikkoortunut tallimanut agguarneqartarput, sakkortussuseq 1 sakkukinnerpaajulluni sakkortussuserlu 5 sakkortunerpaajulluni.
Ike Cubamut unnuaq anngummat sakkortussuseq 3-miippoq, anorillu akunnermut 200 kilometerinik sakkortussuseqarlutik.
Ike Haitimi pitorarmat inuit ajunaartut 61-iusut, oqartussat nalunaarutigaat.
Ike-p Mexicop kangerliumarnganut annguppat sakkortuseriaqqinnissaa silasiortut ilimagaat. Uuliasiortut qilleriviisa tuusintilikkaat tamaani takussaapput.