Ulussaarsuaq "Dean" aseruatitseqaaq
Ulussaarsuaq ”Dean” Caribiami aseruatitseqaluni maanna ingerlaarpoq, ulussaarsuullu takkunnissaanut USA-mi Texas-imi oqartussat piareersalereerput.
Innuttaasut qimagussortinneqartariaqarnissaat pissutigalugu bussit timmisartullu piareersarneqarput.
Innuttaasut puunik sioqqanik imalinnik tuniorarneqarsimapput, parnaarussallu 3300-t missaat aamma qimagussorneqarsimallutik.
Qeqertat Cayman Islands, Cuba-p kujataata tungaaniittut, upalungaarsimaffiupputtaaq. Inuuttaasut aneqqusaajunnaarsinneqarput, takornariallu qimagussorneqarlutik.
Inuit arfinillit ulussaarsuup ”Dean”-ip kingunerisaanik Caribiami maannamut ajunaarsimapput.
”Dean” Jamaica-p kujataanut ippassaq pivoq, illoqarfiillu pingaarnersaannut Kingstonimi aseruatitseqaaq, orpiillu uppikaatiterlugit. Innuttaasut aneqqusaajunnaarsinneqarput.
Ulussaarsuaq ”Dean” Mexico-p sineriaanut unnuaru apuutissangatinneqarpoq.
