Ulussaarsuaq Australiami utaqqivaat
Kiattup ulussaarsua Yasimik atserneqarsimasoq, ulluni kingullerni sakkortusigaluttuinnartoq maanna illoqarfiup Cairnsip tungaanut ingerlaarpoq, sakkortussutsip pingajuanniilluni, naatsorsuutigineqarlunilu nalunaaquttap akunnialui qaangiuppata sakkortussutsip sisamaanut pissasoq.
Anorersuarujussuit sakkortussusii sakkortunerpaagaangamik, sakkortussutsit tallimaanniittarput. Anorersuarujussuup sakkortussusissaa meeterimut 58 aamma 69 sekund meterimut sakkortussuseqassasoq naatsorsuutigineqarpoq.
Kiattup aorersuata ulussaarsuup illoqarfiup takornariarfigineqarluartartup Cairnsip, eqqaanut pissangatinneqarpoq tassani meterimut sekundinik 45-inik sukkassuseqassalluni, imaluunniit kilumeeterimut 170-it angullugit sukkassuseqassalluni.
Anorersuaq mallinik meeterinik marlunnik portussusilinnik pilersitsissasoq aamma naatsorsuutigineqarpoq, mallinullu sapusiaqanngimmat illoqarfiup imermik qarsutsiffigineqarnissaa aarleqqutigineqarpoq.
Ulussaarsuaq Yasi aamma Queenlandslandip avannarpasissuani imermik qarsutsissasoq naatsorsuutigineqarpoq, tamaani ungasinngitsukkut aamma imermik qarsutsiffioreersumi.
