Ulussaarsuaq: Arfineq-marluk ajunaarput
Orpiit tingitaanerannit pingasut ajunaarput. Napparsimmavimmit qimagussorneqarnissaminnik utaqqisut sisamat toqupput. CNN naapertorlugu Jyllands-Postenimi taama allaaserinnittoqarpoq.
Gustav ilimagisamit sakkukinneruvoq, anorersuullu uuttuutaat naapertorlugit kategori 1-itut maanna nalilerneqarpoq.
Taamaakkaluartoq Louisianami angerlassimaffiit 800.000-it ullaaq-manna innaallagiaqanngillat.
Silap pissusia pillugu paasisimasaqarluartut maannangaaq ernummatigilereerpaat ulussaarsuaq alla takkutingajalersoq. Kiattup anorersua, Ike, Atlantikup qeqqata nalaaniittoq takkutingajalerpoq, nalunaaquttap akunnerisa 24-it ingerlaneranni takkussinnaassalluni.