Unioqqutitsilluni qilalukkanik qernertanik pisaqartoqartoq
Naalakkersuisut 2018-mi qilalukkanik qernertanik pisasseeqqipput, naak unioqqutitsilluni qilalukkanik qernertanik marlunnik pisaqartoqarsimaneranik Namminersorlutik Oqartussanut saaffiginnittoqarsimagaluartoq.
Piniarnermut Naalakkersuisoq Nikkulaat Jeremiassen KNR-imut oqarpoq, unioqqutitsilluni pisaqartoqarsimanermut suliat sivisuallaartumik suliarineqartarneri pillugit Naalakkersuisut aalajangernissartik utaqqisinnaanngikkaat.
- Suliap ilaatigut sivisusinnaasarnera pissutigalugu, utaqqisinnaasimanngillat naalakkersuisut, Nikkulaat Jeremiassen taama oqarpoq.
Qilalukkanik qernertanik unioqqutsitsilluni 2018-mi pisaqartoqarsimasinnaaneranik saaffiginnissutinik marlunnik politiit tigusaqarsimallutik KNR-imut uppernarsarpaat.
AAMMA ATUARUK Unioqqutitsisumik piniartoqartarnerata ammasumik pissuseqarfiginissaa Geislerip piumasarigaa
Unnerluutiginnissutaavissortumilli suli tigusaqarsimanatik, Kalaallit Nunaani politiit tusagassiisartuat Camilla Palmann taama nalunaarpoq.
- Pineqartut paasissutissiissutiginiarlugit Aalisanermut Piniarnermut Nunalinermullu Naalakkersuisoqarfimmut nalinginnaasumik attaveqartarpugut. - Pisassiissutigineqartut tamakkerneqarsimanersut tamakkerneqarsimannginnersulluunniit oqartussaaffigaat ilisimasaralugillu taava pisassiissutigineqartut unioqqutinneqarsimasorigunikkit tamanna uagutsinnut nalunaarutigissavaat, unioqqutitsisoqarsimanermillu misissuinerit pasilliinermik inerneqarsinnaapput, Kalaallit Nunaani politiit taama ilisimatitsipput.
Tamanna pereerpat akiliisitsinissap qanoq annertutiginissaa pillugu piniarnermut naalakkersuisoqarfimmit oqaaseqartitsinissamik politiit piumasaqartarput.
- Naalakkersuisut pineqartoq isummerfigisussaavaat unioqqutitsineq qanoq ittuunersoq aama qanoq kinguneqartitsisoqarsinnaanersoq, Nikkulaat Jeremiassen oqarpoq.
Unnerluutiginnissutaavissortumilli suli tigusaqarsimanatik, Kalaallit Nunaani politiit tusagassiisartuat Camilla Palmann taama nalunaarpoq.
- Pineqartut paasissutissiissutiginiarlugit Aalisanermut Piniarnermut Nunalinermullu Naalakkersuisoqarfimmut nalinginnaasumik attaveqartarpugut. - Pisassiissutigineqartut tamakkerneqarsimanersut tamakkerneqarsimannginnersulluunniit oqartussaaffigaat ilisimasaralugillu taava pisassiissutigineqartut unioqqutinneqarsimasorigunikkit tamanna uagutsinnut nalunaarutigissavaat,
unioqqutitsisoqarsimanermillu misissuinerit pasilliinermik inerneqarsinnaapput, Kalaallit Nunaani politiit taama ilisimatitsipput.
Tamanna pereerpat akiliisitsinissap qanoq annertutiginissaa pillugu piniarnermut naalakkersuisoqarfimmit oqaaseqartitsinissamik politiit piumasaqartarput.
- Naalakkersuisut pineqartoq isummerfigisussaavaat unioqqutitsineq qanoq ittuunersoq aama qanoq kinguneqartitsisoqarsinnaanersoq, Nikkulaat Jeremiassen oqarpoq.
Unioqqutitsisoqarsimaneranik nalunaarummik politiinut suli anngussisoqarsimanngimmat tamanna naalakkersuisut isummerfigisinnaanngilaat.
Unioqqutitsillunilu qilalukkanik qernertanik pisaqartoqarsimatillugu qanoq kinguneqartitsisoqartariaqarnersoq piniarnermut naalakkersuisup isummerfigisinnaanngilaa
- Piniarnermut allagartaq eqqarsaatigineqarpat tamanna akisinnaanngikkallarpara, Aalisarnermut Piniarnermullu Naalakkersuisoq Nikkulaat Jeremiassen taama oqarpoq
