Tuttunniarneq uningajalerpoq
Sunngiffimmi pinialuttartunut piniarfinni 1-8 aamma 11-mi tuttunniarneq septembarip 30-ani unnuap qeqqanut unitsinneqassaaq. Piniarfinnili 9 aamma 10-mi (Qaanaaq aamma Pituffik) tuttunniarneq novembarip 30-ani unnuap qeqqanut aatsaat unissaaq.
Allattoq Simon Uldum -
Aalisarnermut Piniarnermullu Naalakkersuisoqarfik taama eqqaasitsissuteqarluni nalunaaruteqarpoq.
Taamaammat sunngiffimmi pinialuttartut septembarip 30-ani unnuap qeqqata kingorna tuttunniaqqusaajunnaassapput.
Naalakkersuisoqarfiup aamma ilisimatitsissutigaa piniarsimasut tamarmik pisussaaffigigaat akuersissutitik pisanik nalunaarfissat immersoreerlugit kommunip allaffianut piffissap piniarfissap naammassereernerata kingusinnerpaamik ullut 14-it kingorna utertissallugit, tassalu oktobarip 15-iani.