Ullut 74-it pisataqanngitsumi isertitsivimmiittoq

Sisimiuni isertitsivimmi pissutsit Folketingimi ombudsmandip isornartorsiorai, nutaarsiassaqartitsiviup Ritzaup allaaseraa.
Allattoq Louise M. Kleemann
septembarip 25-at 2008 06:36

Angutip isertitsivimmi videokkut malinnaavigineqartumi pisataqanngilluinnartumilu, ullut 74-t parnaarusimaneqarsimanera,

ombudsmandimit isornarluinnaqqissaartutut nalilerneqarpoq.

Angut Sisimiuni parnaarusimaneqartoq, 2007-imi maajip 23-ianiit aggustip pingajuata tungaanut madrasiliinnarlugu parnaarusimaneqarpoq, ullullu pingajussaanni aatsaat silaannarissartinneqarluni.

- Taamatut parnaarussineq politimesterip malittarisassaanik naapertuussinngilluinnarpoq, tamannalu isornarluinnaqqissaarpoq, ombudsmandi ilaatigut taama issuarneqarpoq.

Taamatuttaaq Inatsisinik atortitsinermut ministereqarfiup tamanna misissorpaa, ritzauillu allaaserisaa naapertorlugu tamanna ajuusaarnartutut nalilerpaa. Siunissami assingusunik pisoqaqqeqqunagu

ombudsmandi tamanna pillugu arlalitsigut iliuuseqarnialersaarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq