Ullup qeqqaanerani radioaviisi
Aningaasaqarnermut naalakkersuisup Vittus Qujaukitsup parteeqataatalu Per Berthelsenip akornanni tamanut ammasumik assortuuttoqarpoq.
Siumukkormiut pineqartut marluk radioaviisimit oqaaseqartippagut, oqaatigisimasatillu tamarmik attatiinnarpaat.
Naalakkersuisunut siulittaasup, Aleqa Hammondip, Villumfondenimut qaammaterpassuit matuma siorna neriorsuutigaa, aningaasaateqarfiup Qeqqani Kujataanilu atuartunut Ipadinik 3.000-inik tunissuteqarnerani internettimut aningaasartuutissat pillugit aaqqissutissamik Naalakkersuisut nassaarumaartut. Aleqa Hammondilli neriorsuutigisani maanna naammassisinnaarpasinngilaa. Aaqqiissutissarli allamit pisinnaassagunarpoq.