Ulluni pingasuni arpanneq aatsaat taama peqataasoqartigaaq

Ukiut pingajussaa Kangia Race Ilulissani ingerlanneqartussanngorpoq. Iligiiaarluni ulluni pingasuni arpanneruvoq peqataasullu pinngortitarsuarmi kusanartumi unnuat marluk unnuissapput ullut pingajuanni illoqarfimmut arpatsigatik.

- Peqataasussat nalunaarnerannut atatillugu pujortartarnersut apersuutigisimavarput. Tassanilu paasivarput peqataasussanit 70-nit arfiniliinnaat pujortartartuusut, aaqqissuisuniit Karen Fenja Siegstad KNR-mut oqarpoq.

- Takutikkusupparput peqqinnartumik inooriaaseqarneq paasissutissallu pissarsiagut suliniutini allani peqataaffigissatsinni atorusuppagut, Karen Fenja Siegstad nassuiaavoq.

Kangia Race aallartissaaq tallimanngorpat ualikkut nalunaaqutaq tallimanut. Peqataasussalli nalunaaquttap akunnerata aappaat affaa sioqqullugu takkutissapput atortussat piumasaqataasut nassarneraat misissorneqassammat.

Peqataasut nassassavaat tupeq, sinngu pooq, nerisassat, nunap assiga, pujorsiut aamma VHF radio. Nammattagaq assigiinngitsunik imalik 8-9 kilomik oqimaassuseqalersinnaavoq taannalu aallarnermiit apuunnissamut peqataasut nassatarissavaat.

Peqataasut iligiinnut agguataartarput amerlanerpaamik pingasuusinnaallutik. Taakku pingasunut agguagaapput tassa angutinut, arnanut aammalu akuleriinnut.

Arpaffik 50 kilometeri missaliorlugu isorartussusilik siorna angutini siulliit akunnerit tallimat sinnilaarlugit siorna arpaffigaat, arnani ajugaasut katillugit akunnerit arfineq pingasut sinnerlugit arpapput akuleriinnilu oqilanerit nalunaaquttap akunnerit arfinillit sinnilaarlugit arpallutik.

- Kisianni kikkut tamarmik Kangia Race-mi peqataasinnaapput. Ilaat aqqutaa tamaat pisuttuartarput nuannersumi misigisaqarlutik, Karen Fenja Siegstad oqarpoq.

- Taava aamma ilaqarput ajugaanissaq siunertaralugu peqataasunik. Maluginiarparput una arpattarneq ingerlanneqalermalli peqataaniartut ukiukkulli timersortarfiup timigissartarfiani sungiusarlutik aallartittartut, Karen Fenja Siegstad oqarpoq.

Ulloq siulleq Ilulissaniik Aallaaniarfimmut Ilulissat kangerluaniittumut arpassapput. Arfininngorpat Aallaaniarfimmiik Kangerluarsuup qinnguani Atilimmut arpassapput. Taava sapaatiuppat Atilimmiik Ilulissanut arpassapput.

Ajugaasut 1.500 koruunit pinnatassavaat tulliisa 1.200 koruunit pingajuannullu 800 koruunit.

Siulliit pingasut akornannut inissinngitsunut makitsinikkut aningaasaliisut tunniussaanni pinnatassanik aamma tunniussisoqarumaarpoq.

Kangia Race pillugu uani paasissutissat pissarsiarisinnaavatit: http://kangiarace.9net.dk/

Aajuku peqataasussat:

Arnat:
Team Twenty Rigmor Villadsen + Else Hansen
Team Pilu Sport women Akitsinnguaq Jensen + Rie Jensen
Team Standby Thora Siegstad + Lea L. Jensen
Team Akinnaq Lisbeth Davidsen + Karen Fenja Siegstad
Team Nuuk Nuan.... Mette Steenholdt + Nauja Brøns (Nuuk)
Team Cool Naja Cortsen + Judithe Olsen
Team Geisler Ane Marie Geisler + Louise Geisler
Team Hiking Girls Grete Street + Elisabeth Sandgreen
Team Arctic Tv Oline Kristensen + Linda Jerimiassen
Team Johansen Tanja Johansen + Agnes Joahansen
Team Mak Mette Jepsen + Anne Kristine Wesselhoff
Team Neriusaaq Bikki Møller + Dorthe Maria Reimer

Angutit:
Team Pilu Sport Frederik Petersen + Michael Clasen
Team 87 Knud Rosbach + Jakob Bindslev (Aasiaat)
Team Sport Master John Davidsen + Hans Lars Olsen
Team Ba82 Bror Madsen + Angutimmarik Geisler
Team 74 Jakob Jensen + Michael Jonathansen
Team Moonwalkers Martin Hoffmann+ Thomas Andersen
Kunngit Marluk Ukati Villadsen + Hansinnguaq Siegstad
Team T-A-T-I Aqissiaq Mathiassen + Nukanu Møller
Team Re-wind Bo Riis Eriksen + Mads Røge (DK)
Team 72 Niels Petersen (Qasigiannguit) + Michael Lauritsen

Akuleriit:
Team Tunersuit Mikkel Kjærgaard + Julie Tange + Luise Hansen
Team Kangia expolore Helle Nielsen + Frank B. Sørensen
Team Kirny Jens Pele Ptersen + Ane Kruse
Team Butik 56 Finn Jensen + Laali Berthelsen
Team Reimer-Iversen Karl Otto Iversen + Maja Reimer
Team N&N Alupaat Niels Davidsen + Lene Ravn Davidsen
Aron-Nuka Aron Petersen + Nuka Petersen
Team Fitness Ulrik Davidsen + Mannannguaq Mathæussen + Aviaaja Bahr (Nuuk)
Team Peqataavungut Judithe Brandt + Arne Brandt
Team Qupikkut Bassi Clasen + Veerti Clasen
Team Meriannguvunga Lene Østerballe + Christian Reimers
Team Beju Bertheline M. Nielsen + Jørgen Kristensen 1.