Ullumikkut ulloq tassaavoq ullukinneq
Ullumikkut decembarip 21-at tassaavoq ullukinneq. Tassa ullumikkumiit seqineq qullariartoqqilissaaq, taamaalilluni ullut sivitsoqqileriartussapput.
Allattoq Elisa Isaksen
decembarip 21-at 2009 06:47
Danmarkimi silasiorfiup DMI-p nittartagaani allassimavoq, seqernup qilammi ingerlaarfimmini apparnerpaaffissani ullumikkut tikikkaa.
Ullumikkut ulloq siulitta pingaartitaraat, qaammariartoqqilernissaalu ilaatigut sissami sarfap allangorneratigut aamma ullorissat aassuutit nuinissaasa nakkutigeqqissaarnerisigut paasisarpaat. Ullorlu nalliukkaangat nalliuttorsiutigisarpaat.
