Ullumikkut ulloq innarluutillit nunarsuaq tamakkerlugu ulloraat
Kalaallit Nunaanni ineriartornermikkut innarluutillit angajoqqaavisa qanigisaasut peqatigiiffiat Inooqat ulloq malunnartillugu Nuummi katersortarfimmi oqallitsitsinissamut aggersaavoq, tamannalu pissaaq ullumi nalunaaqutaq ataatsimiit ualimut sisamat tungaannut.
Peqatigiiffik Inooqat nunarsuaq tamakkerlugu innarluutillit ulluat malunnartillugu ukiuni arlalinni aaqqissuussisarpoq, ukiormannalu Danmarkimi ineriartornermikkut innarluutillit katuffianni LEV-imi siulittaasoq Sytter Kristensen Nuummi katersortarfimmi aqqummiussisoqarnerani peqataassaaq.
Saqqummiussisoqarnerani oqaluuserineqartussat ilaatigut tassaapput innarluuteqartumik angajoqqaanngorlaanngortunut pitsaanerusumik paasissutissiinissaq.
Tassani pineqarput oqilisaassisarneq, pisariaqartitsineq periarfissallu, aamma innarluutillit angajoqqaavinut tarnip pissusaanik ilinniarsimasumit pitsaanerusumik ikiorsiisarnissaq
Oqallitsitsinermi angajoqqaat meeqqanik inuusuttunillu innarluuteqartunik meeraqartut unammilligassaat paasissutissiissutigineqassapput aamma quppersakkanik pingasunik saqqummiussisoqassaaq meeqqanik ineriartornermikkut akornuteqartunik tunngassuteqartunik.
Quppersakkat ilaat qulequtaqarpoq "18-nik ukioqaleraanni taava?" Meerarisap innarluuteqartup inersimasut akornanniilernissaannut qanoq iliortoqarsinnaanersoq.
Innarluutillit pillugit oqallinneq Nuummi katersortarfimmi ullumi nalunaaqutaq ataatsiiniit ualeru sisamat tungaanut ingerlanneqassaaq.