Ullumikkut Meeqqat Ulloraat
Tamanna Nuummi arlalitsigut malunnartinniarneqassaaq, ilaatigut meeqqat illersuisortaavat Aviâja Egede Lynge meeqqanit naapinneqarsinnaassalluni. Taanna meeqqat illersuisuattut siullermeerluni meeqqanik naapitsissaaq - meeqqallu pisinnaatitaaffiinik oqaluttuutissallugit.
- Pisinnaatitaaffiinuku sunaasut, soorlu meeqqanut paasiuminarsalaarlugit naatsunnguamik, tassa meeqqanut kiinneqarniisara siunertarineqarpoq.
Aviâja Egede Lyngep ilanngullugu oqaatigaa Nunatsinni inatsisit meeqqanut tunngasut Naalagaaffiit Peqatigiit meeqqat pillugit aalajangersagaannut naapertuutissasut.
- Meeqqat pisinnaatitaaffii eqqarsaatigalugit unammilligassavut suli amerlasoorujussuupput. Tassami meeqqat pisinnaatitaaffii suunersut Nunatsinni ilisimaneqaleraluttuinnarput maannalu piviusunngortitsinermut saannissaq pingaaruteqartorujuussuulluni, meeqqat illersuisuat oqarpoq.
Aviâja Egede Lynge meeqqat pisinnaatitaaffii pillugit oqalugialerpat Katuami ualimut pingasuniit arfernup qeqqanut tusaaneqarsinnaassaaq.
Tassanilu qinngasaarisarneq pinaveersaarniarlugu suliniummi atorneqartoq Kammak aamma naapinneqarsinnaassaaq.