Ullumi utoqqaat ulloraat

Tassami Naalagaaffiit Peqatigiit peqqissutsimut suliniaqatigiiffiata WHO-p ullumi ullormi utoqqaat eqqaamaneqarnissaat aalajangiussimavaa, tassa utoqqaat pitsaanerusumik isumagineqarnissaat anguniarlugu taamaaliortoqarluni.
Allattoq Elisa Isaksen
juunip 15-at 2014 15:39

Akilinermi Nunavimmiut tamarmik qilernermik tunguusamik saqqarmiuaraleqqullugit imaluunnit facebookimi quppernerminni qilernermik tunguusamik ikkusseqqullugit, Nunavimmi peqqissutsimik suliaqartunit kajumissaarneqarput. Utoqqaat timikkut tarnikkullu pitsaanngitsumik pineqakkajuttarnerat, Nunavimmi peqqissutsimik isumaginnittunit Nunavimmiunut eqqaasitsissutigineqarpoq. Tamatumunnga taarsiullugu eqqamaneqartariaqarput, inuiaqatigiinni maanna inuuffiusuni utoqqaat tunngaviliisuummata aamma inuiaat oqaluttuarisaanerannik kulturiannillu ilisimasaqarluartuummata.

Taamaattumik Nunavimmiut tamarmik utoqqarnik ataqqinneqqullugit qaammammilu matumani utoqqarnut piffissaqarniaqqullugit, ataqqinninnertillu takutinniarlugu qilernermik tunguusamik saqqarmiuaralisaaqqullugit, peqqissutsimik suliaqartunit kajumissaarneqarput.  

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq