Ullumi ulloq sukkornermik nappaatillit ulloraat

Nunatsinni sukkornermik nappaateqalertartut sukkasuumik amerliartorput, nappaataalertartunilu sukkorneq atugaaleriartupiloornersaasoq, Atuagagdliutini ippassaq saqqummersuni allaaserineqarpoq.

Dronning Ingridip napparsimmavissuani sukkornermik nappaateqartut pillugit malunnartitsiniartoqassaaq, tassa suleqatigiit soqutiginnittunut Pilutami ullumi nalunaaqutaq pingasuniit arferngup qeqqata tungaanut soqutiginnittunut aggersaammata. Sukkorneq peqqissumillu inuuneqarneq pillugit paasissutissiisoqassaaq, sukkornermillu nappaateqarsorigaanni misissortittoqasinnaalluni.

Sukkortut ulluat Ilulissani aamma malunnartinneqassaaq, tassa akunnermik ataatsimik sivisussusilimmik pisuttuaqatigiittoqassagami.

Naalagaaffiit Peqatigiit sukkornermik nappaatilinnut ulloqartitsisoqartalernissaa 2006-imi aalajangiupaat.