Ullumi corona pillugu kisitsisit: Tunillatsittut nutaat 15-it
Ullumi tunillatsissimasut nutaat 15-it nassaarineqarput.
Sisimiuni arfineq-marluk Nuummilu arfineq-pingasut.
Tunillatsissimasut arlallit tunillatsiffiusareersuni tunillatsissimapput, allalli qanoq ilillutik tunillatsissimanerat ilisimaneqanngilaq, nakorsaaneqarfik allappoq.
Illoqarfinni taakkunani marlunni tunillatsittut tassa amerliartuaarput. Maanna tunillatsissimasut Nuummi amerlanersaapput kiisalu nakorsaanerup naliliinera naapertorlugu, sumiluunniit tunillatsittoqarsinnaavoq.
Ippassaq sisamanngornermi Ilulissani tunillatsissimasut nutaat marluk nassaarineqarput. Ullumi Ilulissani nutaanik nassaartoqanngilaq.
Tunillatsissimasut kommunenut agguataarlugit maannakkorpiaq ima isikkoqarput:
Avannaata Kommunia: 2
Kommune Qeqertalik: 0
Qeqqata Kommunia: 37
Kommuneqarfik Sermersooq: 51
Kommune Kujalleq: 0