Ullumi corona pillugu kisitsisit: Tunillatsissimasut nutaat 15-it tallimanngormamit paasineqartut

Tunillatsissimasut nutaat 15-it tallimanngorneq oktobarip ulluisa 22-anni nalunaaqutaq ullup qeqqaniit maannamut paasineqarput. Tunillatsissimasut nutaat Sisimiuni marluk Nuummilu 13-it paasineqarput.

Tallimanngormamit 15-it nutaat tunillatsissimasut paasineqarput.

Taakkunanni 13-it Nuummiipput marlullu Sisimiuniillutik.

Nakorsaaneqarfiup oqarnera naapertorlugu Danmarkimi pisut nunatsinni pisut assigai.

- Nunatsinni sapaatini akunnerni kingullerni pisut Danmarkimi takuneqarsinnaasut ilaatigut assigai, tassa tuniluunnermi annertunerulertoqartoq. Danmarkimi kommunimi ataasiinnarmi Sisimiuni tuniluunnerup annertussusaanit annerusumik tuniluuttoqarpoq.

Dronning Ingriup Napparsimmavissuani sapaatip akunnerata siuliani tunillatsissimasumik paasisaqartoqarpoq. Nakorsaaneqarfiup oqanera naapertorlugu tuniluunneq sulisut akornanniinneruvoq.

Tamatuma saniaigut Nuummiit Kangerlussuarmut sisamanngornermi oktobarip ulluisa 21-anni GL546-mut ilaasoq Danmarkimut tikeqqammerluni tunillatsissimasoq paasineqarpoq. Timmisartumut tassunga ilaasimasut tamarmik ersiutinik maluginiaanissaannik kaammattuiffigineqarput.

Nunatsinni tunillatsissimasut maanna katillugit 93-iupput.

Tunillatsissimasut kommunikkaarlugit agguataarneri:

• Avannaata Kommunia: Ataaseq
• Kommune Qeqertalik: Tunillatsissimasoqanngilaq
• Qeqqata Kommunia: 36-t
• Kommuneqarfik Sermersooq: 56-it
• Kommune Kujalleq: Tunillatsissimasoqanngilaq