Ullukinneq arlalinni nalliussineqarpoq
Kommuneqarfik Sermersuumi kommune Nuummi innuttaasunut tamanut aaqqissuussivoq. Aaqissuusinermi nipilersortoqassaaq, kaffillertoqarluni kaagillertoqarlunilu. Tamatumunngalu atatillugu sermimik qiperukkat takuniarneqarsinnaassallutik.
Aaqqissuussineq Nuummi Katerittarfimmi Amisuni pissaaq ualerulu tallimat qeqqanut aallartissalluni.
Qaasuitsup Kommuniani qaammariartoqqilernissaa pisuttuaqatigiinnikkut nalliussineqassaaq.
Tamanna Ilulissani pissaaq, peqataarusuttullu ualeru sisamanut Qaqiffiup eqqaani katersuutissapput, Sermermiut tungaanut ikumatitalisaarluni imaluunniit qaammartartulisaarluni pisuttuaqatigiittoqassalluni. Nammineq qaammaqqutissamik nassarnissaq matumani eqqaamaqquneqarpoq.
Pisuttuareernermi puussiaarannatsitsisoqassaaq.
Aqagumiit qaamanerup sivitsoriartoqqilernissaa nuannaarutigisinnaassavarput.
