Ullorissat anaannik amerlasuunik unnugu takusisinnaavutit
Sila allaaqqissappat ullorissat anaannik amerlasuunik Qutuup tungaaneersunit unnugu unnuarulu takusisinnaavusi. Tycho Brahe-Planetariet Københavnimiit taama paasissutissiivoq.
Allattoq Mads Lynge
Ullorissat Qutuk, qallunaatut Tvillingerne, unnuup ingerlanerani kujammut isigaluni malinnaavigineqarsinnaapput. Qaammalli tarrereerpat, silalu allaaqqissappat, iluamik aatsaat ersarississapput.
Ullorissat anaat, amerlanerpaaffiisa nalaanni, akunnerup ataatsip ingerlanerani 120-t missaaniissasut ilimagineqarput. Silalu allaaqqissappat juullerpalaartumik ullorissat anaannik isiginnaarnissamik periarfissaqarluassaaq.