Ullorissap anaata aseqqui nassaarineqartalerput
Canadami illoqarfinniit, Albertamiit Saskatchewanimiillu isiginnaarneqarluni, novembarip ulluisa 20-anni ullorissap anaata nakkartup aseqqui nassaarineqartalerput.
Allattoq Louise M. Kleemann
Ullorissap anaata nunarsuup silaannaa aqqusaaramiuk sequmilluinnarsimassasoq ilisimatuut ilimageqqaaraluarpaat.
Ullorissap anaata aseqquinik ujarlertut, Lloydminsterimiit 40 kilometeritut ungasitsigisumi aseqqut ujaraaqqatut atsigisuniit 13 kilotut oqimaatsigisoq tikillugu nassaariortorsimavaat.
Ullorissap anaata nunarsuup silaannaanut appakaakkami qilammik qaammartitseruloornera inuppassuarnit isiginnaarneqaannarani aamma alapernaalluni assiliissutinit assilineqarpoq.
Ullorissap anaa ilivitsuulluni 10 tonsitut oqimaatsigisimanissaa ilimagineqarpoq, maannalu anngajaanik aseqqoqarasoralugu ujarlertoqarpoq.