Ullorissap anaa Maniitsup eqqaanut nakkarsimavoq

Ujarassiuut ilisimatuussutsikkut paasisaasa inernerat junimi saqqummiunneqarmat nunarsuarmi tupigusuutigineqarpoq. Tupigusuutineqartoq tassaavoq ullorissap anaa 30 kilometer-isut angitigisoq Maniitsup eqqaani nassaarineqartoq. Nassaartuuvoq ujarassiooq Adam Gardes Danmark-imi GEUS-imeersoq.
Allattoq Jaaku Lyberth
decembarip 14-at 2012 08:31

Ullorissap anaa taanna ukiut 3 milliardit  matuma siornatigut pinngorsimavoq.

Ilisimatuussutsikkut nassaaq taanna ukiumi ilisimatuussutsikkut suliani ajunnginnerpaat tallimaattut atuagassiami Ingeniørenimi toqqarneqarpoq.

Aviisip Ingeniørenip ilisimatuussutsikut paasisat pitsaanerpaattut toqqarpaa puulukit sanaaneqaatimikkut kingornuttaassutaat, taanna  København-ip Universitet-ani ilisimatuut nunat tamat ilisimatuui suleqatigalugit suliaavoq.

Aviisip Ingeniørenip nittartagaani tips-ernermi eqquiniaaneq nassaarineqarsinnaavoq, tassani eqqoriarneqarsinnaalluni ukiup tulliuttup  ingerlanerani susoqarsinnaanera.

Tipserluni eqquinianermi eqqoriarneqarsinnaasut ilagaat  - Namminersorlutik Oqartussat ukiup tulliuttup ingerlanerani uranimik piaanissamut akuersissanersut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq