Ilisimatuut misissuillutik inerniliinerminni paasisimavaat, ullorissat angalasut ilaanni, Marsimi, sermeqangaatsiartoq.
Amerikamiut avataarsualiartitsisarfiat, NASA, taama nalunaaruteqarpoq. Europamiittoq radari, Mars Express, atorlugu misissuisoqarnerani paasineqarpoq, Marsip kujasissortaani sermingaatsiarujussuarmik peqartoq.
Sermip angissusaa Texas-imiit angineruvoq, tassalu 3,7 kilometerit angullugit issussuseqarluni, sermerlu aakkaluarpat, Mars-i imarmik 11 meteritut ititigisumik qallerneqassagaluartoq, ilisimatuut oqarput.
Marsimi sermeqarnera ilisimatuut qangalaarli ilisimasimavaat, sermilli qanoq annertutiginera aatsaat siullermeerluni kisitsisinngortinneqarpoq.
Kisitseriaaseq taanna atorlugu ilisimatuut maanna paasiniarnialerpaat, Marsip avannaatungaani sikuiuitsumi sermeq qanoq annertutiginersoq.