Ullorissat angalasut amerlisinniarpaat
Ullorissat angalasut qulingiluaniit aqqaneq-marlunnut amerlissagunarput. Ulloriarsiortut arlallit Pragimi nutaamik malittarisassanik ullumi saqqummiussissapput.
Ullorissat angalasut nunarsuarmut assingusut, Merkur, Venus, Jorden aamma Mars, kiisalu ulloriarsuit gasseqarfiusut, Jupiter, Saturn, Uranus aamma Neptun siunnersuusiorfigineqarput.
Ullorissat angalasut minnerit pingasut plutoninik taaguuteqalernissaat siunnersuutaavortaaq.
Ulloriaq angalasoq Pluto, Plutop qaammataasartaa Charon, nassaarineqaqqammersorlu Xena-mik taaguuteqartinneqartoq, plutoninik taaguuteqalernissaat siunnersuutigineqarpoq, Xena Plutomit anginerulaarpoq ungasinnerulaarlunilu.
Ulloriaaqqap angalasup Ceresip ulloriarsuarmik angalasumik taagulerneqarnissaa aamma siunertarineqarpoq. Ceresip ullorissat angalasut Mars aamma Jupiter saneqquttarlugit seqineq kaavippaa.
Ulloriaaqqamiit angalasumiit ulloriamut angalasumut taaguuteqalernissamik siunnersuut aggustip 24-ani taasisoqarpat akuerineqassanersoq paasinarsissaaq.
