Ulloriarsiorneq pillugu Tunumiuaqqat ilinniartinneqalerput

Qilak, ullorissat nunarsuillu pillugit Tunumi meeqqat maanna ilinniartinneqalerput. Nunatta Kitaani meeqqat ulloriarsiornermut tunngasunik ukiuni kingullerni pingasuni ilinniartinneqarsimapput, taamanikkut Grønlandsk Teknologiske Selskabimit, Inutek-imit, pisiarineqarsimasoq atorlugu.
Allattoq Lotte Holm
marsip 23-at 2009 11:54

Pikkorissarnissamik ilitsersuisussat marluk ullumi Tunumukarput, Tunumi illoqarfinni nunaqarfinnilu ilinniartitsisut ulloriarsiuutit pillugit ulluni sisamani pikkorissarneqassapput. Tasiilami Kulusummilu atuartut tullinnguupput, Ulloriarsiooq atorlugu qarasaasiaq atorlugu piviusuusaartitamik apriilimi silaannarsualiarnissaminnut.

Atortut Tasiilamukaannerini utertinnerinilu Air Greenland aningaasaliisuuvoq. Ulloriarsiuutit Tunumi meeqqat suli misilissimanngikkaat timmisartuutileqatigiiffiup tusaramiuk, assartuinissamik neqeroorput, ulloriarsiuutit nuannarineqaqisut Tunumukaanneqarsinnaanngorlugit utertillugillu.

Atuarfiit allat atuartuutiminnik ulloriarsiornermik ilinniartikkusulissagaluarunik Ulloriarsiooq Inerisaavikkut inniminnersinnaavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq