Ulloriaqarfik ungasinnerpaaq nassaaraat
Atacamap inoqajuitsuani Chilimit naggasiissaagut, ilisimatusartut inoqajuitsumi tassani qinngussuarmik ulloriaqarfik avataarsuani nassaarineqarsimasuni ungasinnerpaaq qanoq ungasitsiginersoq uuttortarsimavaat.
oktobarip 20-at 2010 17:19
Qaamaneq ukiut 13 milliardit missaat atorlugit avataarsuatigoorsimavoq.
Qaamanerup sakkukitsuararsuup ulloriaqarfimmeersup misissoqqissaarnerani, ulloriaqarfiup taassuma qaamanera avataarsuata ukiunik 600 millioninik pisoqaassuseqarneraneersuusoq, ilisimatuut paasisimavaat.
Ilisimatuut oqartarput avataarsua maanna ukiunik 13,7 milliardinik pisoqaassuseqartoq, ulloriaqarfiillu piffissamit siusinnerusumeersut misissornissaat ajornakusoortuusoq. Qaamanerammi nunarsuarmut apuukkaangat paasinarluartumik qaamanikillisimasarmat.
