Ulloq unnuarlu qitipput
Qitittartut ukiormanna takutitassaat taaguuteqarpoq " Some like i hot " taannalu torrallatamik qitinneqarpoq qiteriaatsit assigiinngitsut tamakkerlugit qitinneqarlutik taamatullu nipilersuutitalerlugu qitinneqarluni.
- Qitinnermik takutitassaq naammassiniarlugu ulloq unnuarlu sulivugut, Kalaallit Nunaannullu angerlarnissannut qilanaartorujussuuvunga, qitinnermillu takutitassap "Some Like i hot"-ip kalaallinut takutinnisaa qilanaaralugu, qitittartoq Alexander Montgomery-Andersen oqarpoq.
Qitittartut Bårdarimeersut qitinnermik takutitassiat "Jazz on Jazz" aamma "From Norway with Love" takutimmatigit inuit 1.700-it sinneqartut ukiut kingulliit marluk isiginnaartorineqarput.
Qitinnermik takutitisinerit saniatigut qiteriaatsit assigiinngitsut ilinniartitsissutigineqassaaput, soorlu Hip-Hop, ballet, nipilersortoqarluni qitinnerit musicalit, inersimasunut illugiilluni qitinnerit, ukiormannalu nutaatut ilinniartitsinerit pisussat tassaapput, meeqqanut uaajeertitsinerit kalaattuunillu qitinneq.