Ukrainemi qinersinissamut piareersaleruttorput
Præsident Viktor Jusjtjenkop inatsisartut ippassaq taamaatitippai, qinersisoqarnissaalu nalunaarutigalugu. Decembarip ulluisa arfineq-aappaanni qinersisoqarnissaa aalajangiunneqarpoq.
Allattoq Louise M. Kleemann
Ministeriunerup Julia Timosjenko-p partiia, naalakkersuisoqataasoq, septembarimi ajalusoormalli. Jusjjenkop partiiata, Vort Ukrainep, Block Timosjenko, suleqatigiunnaarpaa. Naalakkersuisunik nutaanik Julia Timosjenko taamanili pilersitsiniarsarigaluarpoq, partiimilu Vort Ukrainimi ilaasortat ulluni kingullerni ataatsimeeqatigisarsimavai, naalakkersuisunik nutaanik pilersitsinissaq eqqarsaatigalugu.
Inatsisartut taamaatitinneqassagaluarpata præsidentimik nutaamik qinersisitsineqartariaqarnissaa pisariaqalissasoq Jusjtjenkomut akerliusut sioorasaarutigereerpaat. Jusjtenko 2010-p tungaanut præsidentiusussaavoq.