Ukrainemi illoqarfik Odessa russinit saassunneqarpoq
![](/sites/default/files/styles/image_934x467/public/article_images/odessa.jpg?itok=xbBn9q92)
Russit rakitsinik Ukrainemi illoqarfimmut Odessamut saassussineranni inuit tallimat ajunaarput 18-nillu ikilerneqarlutik,
Ukrainemi præsidentip allaffeqarfiani pisortaq taama paasissutissiivoq.
Taakkua saniatigut Ukrainep avannamut kangisinnerusortaani illoqarfimi Kharkivimi qaartartumeerisoqarmat inuit pingasut toqutaapput, nunap immikkoortuani guvernøri taama oqarpoq.
Ukranemiut sakkutuuisa siusinnerusukkut nalunaarutigivaat, rakitsit marluk igeriunneqarmata Odessami sakkutuut sakkuusiviat najugaqarfiillu marluk eqqorneqartut.
Russit illersornissamut ministereqarfianit nalunaarutigineqartut naapertorlugit Odessami quersuit marluk rakitsinit eqqarneqarput sequminneqarlutillu.
Quersuarmi tassani sakkut amerlasoorujussuit inissinneqarsimapput taakkua USA-mit nunanillu EU-mit ilaasortanit tunniunneqasimallutik.
Odessa taanna Sortehavip eqqaanniittoq kingullermik saassunneqarpoq apriilip aallartisimalernerani.
Ruslandimit oqaatigineqarpoq, Ukrainemiut sakkutuuvi 200-it arfininngornermi saassussinermi toqunneqarsimasut. Sakkutuullu qamutaat 30-it aseruatiterneqartut.
Saassussinerit arlaqartut
Ukrainep avannamut kangisinnerusortaani illoqarfimi Kharkivimi qaartartumeerisoqarmat inuit pingasut toqutaapput, nunap immikkoortuani guvernøri taama oqarpoq.
Sisaliorfik russinit tigusariniarneqaqqippoq, tassaniipput Ukrainemiut sakkutuui.
Taama oqarpoq, Oleksij Arestovytj, taanna Ukrainemiut præsidentiannut Volodymyr Zelenskyjimut siunnersortaavoq, russillu sassusseqinnerat pillugu arfininngornermi TV-mi oqaaseqarpoq.
Ruslandip præsidentia Vladimir Putin sisamanngornermi oqarsimaneragaavoq, Mariupolimi sisaliorfiup tigusarineqarnissaanut pilersaarutit taamaatinneqartut.
Ukrainemiillu nalunaarutigineqartut naapertorlugit, russit sakkutuuisa sisaliorfik arfininngornermi saassuppaat.
Saassussisoqarsimaneranik Ukrainemiut oqarnerat pillugu russit oqaaseqarusunngillat.
Illoqarfik Mariupol tamakkingajallugu russinit nakkutigineqarpoq.
Ukrainemiut sakkutuui tusintinik arlaqartut sisaliorfiup eqqqaaniipput.
Tunniutiinnartoqarnianngilaq, naak russit arlaleriarlutik kaammattuuteqasimagaluartut tunniutiinnaqqullugit inuunertillu asattuuteqqullugu.
Mariupolimi sakkutuujunngitsunik suli inoqarpoq, illoqarfik maanna sivitsortumik russinit tiguarneqareerpoq.