Ukraine Natomut ilaasortanngorpat Zelenskyji præsidentitut tunuariaannaanerartoq

Ukraine Natomut ilaasortanngorpat Volodymyr Zelenskyj Ukrainep præsidentiattut tunuariaannaanerarpoq.

Ukrainep illoqarfiisa pingaarnersaani Kyiv-imi tusagassiortunik katersortitsinermini taama oqartoq nutaarsiassaqartitsiviit AFP aamma Reuters allapput.

Ukraine ukiuni kingullerni pingasungajanni sorsuuffiusoq pillugu USA-p præsidentiat Donald Trumpip sorsuunnerup unitsinneqarnissaanik anguniaalluni russinik attaveqaleraluttuinnarnerata kingorna taama nalunaartoqarpoq.

Ukrainimiut russillu akersuuttuarnerat pillugu Donald Trump eqqisseqatigiinnermik siunnersortaaginnarani suleqatiginnikkusussuseqartumik Zelenskyji nipeqarpoq.

-peernissara pisariaqartivikkukku piareeqqavunga, tamannali aatsaat Ukrainemi eqqissisoqarpat anguneqarsinnaavoq, Ukraine Natomut ilaasortanngornissaanut peeqqaarnissara piumasaqaataappat; piareeqqavunga, Zelenskyji nutaarsiassaqartitsivik AFP-mut oqarpoq.

Nunat pineqartut qanoq aaqqiagiiumaartut maannamut nalunarallarpoq.

USA-p nunanut allanut ministeriata Pete Hegsethip sapatip akunnerata siuliani oqarnera naapertorlugu, Ukraine russinut tunniutiinnartariaqassanerarpaa, taamatuttaaq Natomut ilaasortanngornissamut sinnattuaqineq unitsiinnarneqartariaqassanerarpaa.

Zelenskyjip Trumpimut Ukrainep qanoq russinut illersornissaanik najoqqutassanik ersarissunik tassungalu qulakkeerutaasunik ullumi piumaffigaa.

Donald Trumpip Zelenskyj sapaatit akunnerisa siuliini kisermaassilluni naalakkersuisuunerareeraalu aaqqiagiisoqarniarneq ilungersunarsisutut misinnarsivoq.

Zelenskyjip taperserneqarnera assut annikinnerarlugu Trump marlunngormat oqareersorlu, Zelenskyjip Trumpi 'pujorsuup iluaniinnerarpaa'.

Aqagu ataasinngornermi russit Ukrainemut isaalernerat ukiut pingassavaat.