Ukraine isumaqatiginninniarnermi sakkuaakkunnaaqqusisoq
Ukraine piaartumik sakkuaakkunnaartoqarnissaanik russillu tunuarternissaanik piumasaqarpoq, isumaqatiginniarnermi ataasinngornermi aallartinneqartumi Ukraine taama piumasaqarpoq.
Sisamassaanik isumaqatiginniartoqarnerani, eqqisseqatigiittoqqarnissaa piaartumillu sakkuaakkunnaartoqarnissaa russillu sakkutuuisa tunuarternissaat Ukranimiut piumasaraat.
- Tamakkua inissinneqareerpata nunap immikkoortui politikikkullu isummat assigiinngissutaat pillugu oqaloqatigiilluta aallartissinnaavugut, Ukrainemiut isumaqatiginniartuisa siuttuat Mikhailo Podolyak oqarpoq.
Ukrainemiut Russillu aallartitaat, ullaaq nunatta nalunaaqutaa malillugu arfinermut qiteqquttoq isumaqatiginniaqqinniarlutik isumaqatigiipput
Isumaqatigiinniarnerit siuliini ikiuniarnermi apeqqutit sumiiffinnilu ataasiakkaani sakkuaakkunnaartoqarnissaanik apeqqutit oqaluuserineqarput, illoqarfinnut tiguarneqarsimasunut pilersuisinnaalernissaq pillugu.
Ataasinngornermi isumaqatiginniarnissamut sakkortuumik oqallittoqarnissaa Ukrainemit siunnersuutigineqartoq, Mikhailo Podolyak oqarpoq.