VIDEO Ukkusissani utoqqaanersaat kunngikkormiunik pulaartoqarpoq
Akunnerni pingasuni Ukkusissamiinnerminni nunaqarfimmi utoqqaanersaasoq, Salomine Skade, 84-inik ukiulik pulaartussaavaat. Pulaarneqartussarlu pulaarneqartussaagami tupigusuppoq.
- Uanga siullermik isumaqaraluarama utoqqaat tamaaviisa pulaassagai sunaaffa uanga, tupinnaqaaq, Salomine Skade KNR-imut oqarpoq.
Suli peqqitsilluni taamak ataqqinartigisumik pulaarneqarnissi tuppallissutigeqaa.
- Peqqillunga taamaattumik inummik pulaaqassagama nuannaralugu, Salomine Skade oqarpoq.
Pulaartussat isiinnaqaat. Videomilu qulaaniittumi takusinnaavat Salominap illuata eqqaani prins Henriup nukappiarannguaq nuannisaqatigaa.