Kangerlussuarmi piniarfigeqqusaanngitsutut immikkoortinneqarsimasoq allanngortinneqarpoq.
Kangerlussuup ilaani siorna ukiuunerani piniarfigineqartoq ukiormanna piniarfissatut Avatangiisinut Pisortaqarfimmit atortinneqartussanngortinneqarpoq
Tassa Akuliarusiarsuup kujasinnerusortaa, aasaq juulimi piniarfigineqassanngitsutut immikkoortinneqartoq piniarfigineqaqqissinnaalerpoq, nunami pineqartumi umimmaat amerlasoorujussuanngorsimasut ikilisarneqarniassammata.
Kangerlussuarmi ukiuunerani piniarfissaq piniartunuinnaq tunngatinneqartoq ullumikkut januaarip ulluisa 15-ianniit marsip qulingat ilanngullugu ingerlanneqassaaq, tamatumalu kingorna akiliuteqarluni piniartitsineq aallartissalluni.
Naalakkersuisut aasaq juulimi aalajangerput Maniitsup kommuneani piniarfimmi Kangerlussuarmiittumi killeqanngitsumik akuersissuteqarluni umimmanniartoqarsinnaasoq.