Ukiuunerani tuttunniarneq piniarfiit ilaanni sivitsorneqartoq
Ukiuunerani tuttunniarneq sumiiffiit ilaanni sivitsorneqartoq, tassa februaarip 25-at ilanngullugu piniartoqarsinnaassasoq, Aalisarnermut Piniarnermullu Naalakkersuisoqarfimmit ilisimatitsissutigineqarpoq.
Tassa Nuussuarmi, Naternami, Akia-Maniitsumi, Ameralimmi, Qeqertarsuatsiaani, Qassini Neriamilu tuttunniarneq sivitsorneqarpoq.
Ukiuunerani tuttunniarnerup sivitsorneqarneranut februaarip qiteqqunnera tikillugu silap unerisimasimannginnera tunngavilersuutigineqarpoq.
Ukiuunerani tuttunniarnerup sivitsorneqarnerata saniatigut sivitsuisoqaqqinnavianngitsoq, Naalakkersoqarfiup erseqqissaatigaa.
Piniarfimmi Sisimiut-Kangerlussuarmi tuttunniarneq sivitsorneqassanngitsoq Naalakkersuisoqarfiup oqaatigaa. Piniarfimmi tassani marsip aallartinnerani tuttunik umimmannillu kisitsisoqartussaanera pissutaasoq oqaatigineqarpoq.
