Ukiuunerani OL-ip aallartinngilaattaani aputissaarupput
Canadami OL-imut aaqqissuisut ataatsimik ajornartorsiuteqarput -aputeqanngilaq! Taamaattumik aaqqissuisut apummik tonserpassuarnik oqimaassusilimmik Cypress Mountainimukaassuinissartik aalajangiuppaat, tamaanimi alorarluni unammiuaarnerit ingerlanneqartussaammata.
Vancouverimmi eqqaa, Nunatsinnituulli, januaarimi februaarimilu silap kiatsittarneranit 'eqqugaasartoq', aviisip Politikenip nittartagaani tamanna allaaserineqarpoq.
Qulimiguullit biilersuillu usisaatit sisorarfiusussamut unissanatik apummik maanna assartuileruttorput. Tamatuma saniatigut sulisut paarlakaajaallutik sisuffissanik piareersaapput.
Assini Cypress Mountainimeersuni unammiffissaq kusanavissumik aputilersorneqarsimasoq, tamaanngaanniillu meterialunnguaannarmi ungasissusilimmi ivikkat marrarlu takuneqarsinnaapput.